As jy nie weet waar die geld vandaan gaan kom om jou droom te verwesenlik nie, is ROF die plek vir jou. Ons ondersteun voltydse en deeltydse gekwalifiserende onderwysstudente met leningsbeurse, sodat finansies nooit die rede is waarom jy nie kwalifiseer nie.
Alle studente by enige geregistreerde tersiêre onderwysinstansie in Suid-Afrika (privaat of staat).
Jy moet Afrikaans kan lees, skryf, praat en verstaan.
Handhaaf ten minste 'n jaarlikse gemiddeld van 55–60%
Alle studente is welkom om aansoek te doen, dwarsdeur die jaar.
Voorkeur word gegee aan Afrikaanssprekende studente, ongeag die taal waarin die kursus by die betrokke instelling aangebied word.
Voltooi die aanlyn-aansoekvorm.
Verseker alle handtekeninge en dokumente is volledig.
Ontvang bevestiging dat jou aansoek volledig ontvang is.
Die leningsbeurs word ge-evalueer.
Ontvang kennis van die uitslag van jou aansoek.
Jou fica word outomaties geregistreer.
Jy kan dwarsdeur die jaar aansoek doen.
Jy kan 10% afslag op jou leningsbedrag vir daardie jaar ontvang indien jy 'n gemiddeld van bo 75% behaal het.
ROF bied ook lenings aan studente wat weens omstandighede deeltyds wil studeer.
“ROF se vriendelike personeel en vinnige proses het my finansiële stres verlig, sodat ek net op my studies kon konsentreer en my meestersgraad kon verwerf. Vandag is ek ’n graad 5-Wiskundeonderwyser by Laerskool Alpha op De Aar en besig met my PhD. By die National Teachers Awards is ek twee jaar agtereen as die beste Wiskundeonderwyser in my streek aangewys.”
“Danksy my ROF-leningsbeurs is ’n enorme finansiële las van my en my ouers se skouers gelig, sodat ek op my studies kon fokus en vanjaar al nege onderskeidings kon behaal. My praktiese tydperk by Laerskool Worcester-Oos het my geleer dat die klaskamer dikwels van die handboek verskil, veral wanneer jy met leerders met outisme, ADHD en ander leerprobleme werk. Ek wil later ’n honneursgraad in Opvoedkundige Sielkunde verwerf, sodat ek ’n positiewe verskil in leerders se lewens kan maak.”
“Met ROF se ondersteuning kon ek elke toets, taak en uitdaging van my veeleisende vierde studiejaar met ’n rustige siel aanpak. My hoogtepunt was my laaste praktiese tydperk by Hoërskool Eldoraigne, waar ek besef het hoe maklik en lekker klasgee geword het ná die angs van my eerste twee jaar. Ek is opreg dankbaar teenoor ROF wat my help om my roeping te bereik, want onderwys is vir my ’n plesier!”
“My studies het uitdagings en harde werk ingehou, maar met ROF se ondersteuning kon ek aanhou groei en my beste gee. ROF het my gehelp om op my akademiese doelwitte te fokus en my droom om ’n onderwyser te word, ’n werklikheid te maak. Ek hoop om eendag dieselfde ondersteuning, aanmoediging en inspirasie aan my leerders te bied.”
